Новости

Филм

На ИФФК „Браќа Манаки“ прес со екипата од македонскиот филм „Кога денот немаше име“

Филмот „Кога денот немаше име“ е инспириран од немилиот настан што се случи на Смилковско Езеро, но во нити еден момент не го обработува настанот на Смилковското Езеро, напротив нас не’ интересираше што значи да се изгуби млад живот, истакна продуцентот Лабина Митевска на денешната прес конференција во фестивалскиот прес центар на ИФФК „Браќа Манаки“.

Станува збор за авторски, тежок филм но интересно е што од сите наши филмови со Теона Сердар Митевска, овој филм има најголем успех, одлично минува на многу фестивали, продаден е во цела Источна Азија, во Камбоџа, Виетнам, Кина, посочи Митевска.

-На почетокот на филмот кажуваме дека филмот е инспириран но не е за Смилковското езеро, а доколку не интересирало тоа ние ќе направевме документарен филм. Среќни сме што за филмот постои интерес во светот, филмот е провокативен, публиката го сака филмот и сака да се информира за Македонија. Со овој филм ние имавме за цел да се покаже болката на оваа изгубена генерација, нетолерантноста на општеството во кое живееме, тежината на зборовите кои едни кон други си ги упатуваме…за болката на животот. Овој филм зборува за денешниот свет, за денешна Македонија и за една изгубена генерација, рече меѓудругото продуцентката Лабина Митевска на прес конференцијата во Битола.

Како што е познато, режисер и сценарист на филмот „Кога денот немаше име“ е Теона Стругар Митевска, кинематографер французинката Ањес Годар, а во фимот настапуваат Леон Ристов, Ханис Багашов, Стефан Китановиќ, Драган Милошевски, Иван Вртев Шоптрајанов и Перуника Киселички./МИА

GOLD
SN Finansii
To Top