Новости

Балкан

Ердоган со закон ќе ја забрани прељубата

Турскиот претседател Реџеп Таип Ердоган неодамна изјави дека сака повторно со закон да ја забрани прељубата.

Тој вели дека напуштањето на ваквата постапка во 2004-та година поради барањата на ЕУ била погрешна постапка, објави „Хуриет дејли њуз“.

„Мислам дека сега е многу добро време за разгледување на проблемот на прељубата, затоа што нашето општество е во неповолна позиција кога станува збор за моралните вредности“- вели Ердоган.

Според него, ова е многу стар и широко распространет проблем.

„Треба поширока дискусија за него. Ние веќе предложивме закон за прељуба во 2004. Во тоа време постапивме во согласност со законите на ЕУ, но тоа беше грешка“- рече Ердоган.

Турција се откажа од криминализацијата на прељубата поради пристапните преговори со Европската унија, која ја критикуваше земјата за скратување на личните слободи на граѓаните.

„Морам да признаам дека погрешивме во тој процес. Сега треба да направиме проценка за подготовка на законот за прељуба и да го разгледаме во пакет со проблемот на злоупотреба“- вели  Ердоган.

Портпаролот на претседателот, Ибрахим Калин, на прес-конференцијата на 21 месецов потврди дека судството размислува за нов закон за прељуба. Инаку, криминализацијата на прељубата е тема на дебата во Турција со децении. Во 1996 година, Уставниот суд го укинал законот за прељуба, според кој жените биле казнувани повеќе од мажите.

Тогаш  мажите биле одговорни за прељуба само ако влезат во долгорочна вонбрачна врска, додека жените биле виновни само по една измама на брачниот партнер.

faktor.mk

Evrotip
Евротип
To Top