Бoгати и сиромаЈ! - Шеталиште

Новости

Битолски трачарлуци

Бoгати и сиромаЈ!

Порано имаше само Љуѓе. Барем ние ко растевме… М? Или ај да не ја претерваме и ние си имавме трауми од детството. Стално имаше некоја тетка шо ќе ти ја земеше од раце играчката и ќе ти речеше:,, Не пиле. Не е то за тебе. То за син ми е!”

Син му на четири-пет години да го прашаше како се вика уште името не си го знаеше, до ,,свит сикстин” уште мамичка му поможваше за до тоалет и на крај со пасошО под рака на Бора Бора ќе го вИш испраен без разлика оти мала му е почетната буква на градОјте во реченица.

На мама и тато ќофтето, во животО натаму ќе сИстури од пуфкање и Ѓом ,,хуманитарец” ќе се прај па ќе разделва по некој чакат по копуците ко нас. Е тој сине ќе биди познат и добар предобар, а ти ќе го…

И ќе дремиш ко мисир дури некоја кокона пак не ти се испрај и не ти ја земи работата пред тебе. ,,Не пиле. Не е ова за тебе. То за син ми е!” Дури не ти ја земи и жената и не ти се искисели од смеење и не те попљука со доста течниоО говор и цело „Би ем даблју“ само в уста шо го има. И покрај то шо ни еднаш нема голема буква на градојте клавано во реченица. А и ливче од средина не давал на сколија.

Разгалените богаташи од мали се осеќат. Ги сака учителката, за нив стално можи да има слободен час, живи се, прехиперактивни и исфорсирани само да привлечат внимание и да бидат нумеро Уно во класО, на работното место, во кафичО на сепаре, во меана на чело и со ,,тефтер” порачка кај ќелнерот и:,,Извини дечко, кармин има на чашата! Дај молимте да не те враќам на секое!” и фала Богу никако оставање бакшиш.

Кај сиромајо па, комлекси има и арно инстаграм шо се појави шо можи да ја замати сликата и тро со фото шоп да изгледа оти и кај него крцка. И со две по пет во џебО и тој ќе оди со него оти другар му бил. И со празен новчаник и ќе го части синката ако треба и… Само мир да има во светО.

Море све то треба да се уништИ! Нека ја почни некој арката. Најавија оти ќе врнело баги!

To Top