Новости

Рецепти

Совршен есенски десерт: чоколадни брауни колачиња со крем од тиква

Конечно ја имаме есенската кралица на трпезата: тиквата. „Македонската банана“ како што многумина ја нарекуваат на шега, всушност нема ништо смешно во неа. Тиквата е сочна, здрава и превкусна.

Во рецептот што ви го нудиме може да ја употребите на интересен и неочекуван начин – правејќи крем, односно фил од тиква.

Кога ќе се искомбинира со финото, меко тесто на меките брауни колачиња, знајте дека го имате најдобриот сладок рецепт за оваа есен:

Потребни состојки:

  • Готова мешавина за брауни колачиња
  • ½ kg свежа тиква
  • 5-10 лажици слатка павлака
  • 1 лажица цимет

Начин на подготовка:

1. Прво подгответе го кремот од тиква. Тиквата може да ја испечете или сварите, а потоа да ја ставите во блендер, заедно со слатката павлака, шеќерот и циметот. Количината на слатката павлака ја одредувате самите во зависност од густината на кремот.

2. Загрејте ја рерната на 220˚С. Подгответе ја смесата за брауни според упатството на кутијата. Во смесата слободно може да додадете уште малку рендано чоколадо за поубав и пораскошен вкус.

3. Подгответе тавче за печење, подмачкувајќи го со масло и хартија за печење. Истурете половина од мешавината за брауни колачиња. Внимателно вра смесата нанесете го кремот од тиква. На крајот додадете го преостанатиот дел од смесата за брауни колачиња и израмнете го со лажица.

4. Печете според упатството за подготовка колачињата, но додадете уште дополнителни 10 минути; на колачињата им е потребно малку повеќе време за печење поради филот од тиква (печењето треба да трае околу 35 минути).

5. Проверете со чепкалка дали колачот е испечен. На крајот оставате го да се олади и исечете на коцки.

 

 

 

 

 

 

 

 

Извор: Црно Бело

GOLD
To Top