Новости

Настани

Со изложба започнува неделата на шпански филм во Битола

Неделата на шпански филм ќе биде отворена со филмот „КАКО ДА СЕ БИДЕ НОРМАЛНА ЛИЧНОСТ “ на
26.11.2019 г. со почеток во 20.00 ч. во малата сала.
На отворањето на филмскиот циклус ќе претходи отворање на изложба на фотографии „Шпански градови
со светско културно наследство“ со почеток во 19:00 ч. во фоајето на НУ Центар за култура Битола. Изложбата и филмскиот циклус ќе бидат отворени од страна на Н.Е. Емилио Лоренцо Сера, Амбасадор на Кралството Шпанија.

ЗА ИЗЛОЖБАТА:

Наследството, културата, уметноста и историјата се неделив дел од развојот на Шпанија. Шпанија е меѓу петте земји со најголем број регистрации на Листата на светско наследство на УНЕСКО.

„Градовите со светско наследство на Шпанија“ во 1993 ги здружија силите , и формираа непрофитабилно здружение со цел да дејствуваат заедно за да ги заштитат историското и културното наследство на градовите во него: Алкала де Хенарес, Авила, Баеза, Касерес, Кордоба, Куенка, Ибица, Мерида, Саламанка, Сан Кристибал де ла Лагуна, Сантијаго де Компостела, Сеговија, Тарагона, Толедо и Ибеда.

Овие градови го комбинираат најдоброто од богатото минато со сегашноста, проектирајќи слика

за квалитет и понуда на голем број историско-уметнички, културни, гастрономски атракции, како и

други услуги.

Изложбата „ Шпански градови со светско културно наследство“ ги презентира петнаесетте градови со по две фотографиии од шпански професионални фотографи.

Изложбата ќе биде поставена во фоајето на НУ Центар за култура Битола до 08 декември 2019 г.

ПРОГРАМА НА ФИЛМСКИОТ ЦИКЛУС:

26.11.2019 – 20:00 ч – КАКО ДА СЕ БИДЕ НОРМАЛНА ЛИЧНОСТ

27.11.2019 – 20:00 ч – КИНЕСКА ПРИКАЗНА

28.11.2019 – 20:00 ч – АПОСТОЛ

29.11.2019 – 20:00 ч – ДОЖДОТ ИСТО ТАКА

30.11.2019 – 20:00 ч – ЦРН ЛЕБ

01.12.2019 – 20:00 ч – МАРТИН (ЈУНИОР)

02.12.2019 – 20:00 ч – ЖИВОТОТ ПРОДОЛЖУВА

Филмовите се со македонски превод и ќе се прикажуваат во малата сала. Влезот е слободен.

GOLD
To Top