Новости

Театар

Маестралната претстава на НТБ ,,Артуто Уи” со 5 награди на фестивалот ,,Војдан Чернодрински” во Прилеп

Педесет и шестиот по ред  фестивал ,,Војдан Чернодрински“ кој се одржа во Прилеп, на Народниот театар Битола, му донесе 5 награди.

,,…Ние уште еднаш покажавме и докажавме зошто Битолски театар е еден од водечките театари во нашата држава. ” – гордо велат од НТБ или ние би рекле, од зародишот на театарската уметност во нашата земја.

Стручното жири, во следниот состав: Љупчо Ѓорѓиевски, Бесфорт Идризи и  Сотир Трајковски, ги прогласи следниве награди кои доаѓаат во конзулскиот град:

Награда за режија се доделува на режисерот Кедрим Ријани за претставата ,,Артуро Уи“ во изведба на НТБ.

-Награда за женска епизодна улога се доделува на Викторија Степановска, за улогите во претставата ,,Артуро Уи“ во изведба на НТБ.

-Награда за епизодна машка улога ,,Димче Трајковски“ се доделува на Никола Пројчевски  за улогите во претставата “Артуро Уи“ во изведба на НТБ.

– Награда за костимографија се доделува на Благој Мицевски за костимите во претставата ,,Артуро Уи“ во изведба на НТБ.

-Награда за музика се доделува на Тимор Доми во претставата “Артуро Уи“ во изведба на Народен театар од Битола.

А за претставата,, Артуро Уи”, ние уште еднаш би потврдиле дека е моќна, силноекспресивна сензација што финишира со громогласен заслужен аплауз и во градот под Марковите Кули.

Евротип
SNBROKER
To Top