Поради труење на фудбалерите на „Пелистер“, одложен натпреварот Шкупи – Пелистер

Моментално како што дознава Спорт М се уште траат поединечните прегледи во велешката општа болница на фудбалерите на битолскиот клуб „Пелистер“.

Од општата болница во Велес за Спорт М велат дека откако ќе завршат прегледите, инфективната клиника доколку смета дека има основ, може да пријави и во санитарната инспекција од каде ќе треба да извршат контрола врз ресторанот каде што ручале фудбалерите на „Пелистер“.

Натпреварот Шкупи – Пелистер требаше да се игра на стадионот во скопски Чаир, во рамките на 26. коло од ПМФЛ (прва македонска фудбалска лига).