Новости

Фудбал

Ериксен мора да има пејсмејкер

Лекарот на данската фудбалска репрезентација Мортен Босен изјави дека на Кристијан Ериксен ќе мора да му биде вграден пејсмејкер.

Пејсмејкер е вграден дефибрилатор на кардиоцентер, кој се всадува под кожата на пациентот и се напојува со специјална батерија и значително го зголемува преживувањето во случај на срцев удар или ненадејна срцева смрт.

Пејсмејкер не може да спречи појава на аритмија, но може успешно да го открие и третира, со што се враќа нормалниот ритам на срцето и се спасуваат животи.

„Кристијан беше подложен на разни тестови и беше одлучено дека ќе му биде вграден пејсмејкер. Овој уред е потребен по срцев удар. Кристијан го прифати ова решение, а планот беше потврден од национални и меѓународни експерти“, рече Мортен Боесен.

Потсетуваме, Ериксен е во болницата во Копенхаген откако колабираше минатата сабота за време на натпреварот помеѓу Данска и Финска на вториот ден од Европското првенство.

За среќа, неговиот живот беше спасен по брзата интервенција на медицинската служба, но и на неговите соиграчи предводени од Симон Кјаер.

Играчот од средниот ред на Интер сега се чувствува добро, но има малку шанси тој повторно да игра фудбал, иако сега никој не ни размислува за тоа.

GOLD
To Top