Новости

Фудбал

Милевски: Имавме проблеми, но генерално сум задоволен

Благоја Милевски дебитираше со реми без голови на клупата на Македонија.

Новиот предводник на нашиот сениорски фудбалски тим по нерешениот резултат со Ерменија укажа на работите кои треба да се променат пред дуелот со Исланд.

„Имавме некои проблеми со транзицијата, но задоволен сум генерално од менталниот пристап на играчите. Точно е дека имавме проблем со завршното додавање и шутевите, немаме многу време за да се подготвуваме. Заминуваме за Исланд, таму ќе одработиме само еден тренинг. Генерално сум задоволен од пристапот на фудбалерите и од желбата која ја покажаа. Ќе се обидеме да ги надминеме проблемите за дуелот во недела.“ – изјави Благоја Милевски.

Во петтото коло веќе за два дена, Македонија ќе му гостува на Исланд, а на 8 септември во Скопје ја пречекува Романија.

Евротип
Евротип
To Top