Новости

Фудбал

Тиаго се договори со Ливерпул, се сели на „Енфилд роуд“

Тиаго Алкантара се доближува до трансфер во Ливерпул, пишуваат островски медиуми. 29-годишниот шпански репрезентативец веќе ги договорил личните услови со Ливерпул и му соопштил на германскиот клуб дека сака да се пресели во екипата на Јирген Клоп. Договорот на Алкантара со Баварците е до летото 2021 година. Тој веќе одби да го потпише новиот договор што му беше предложен. Останува двата клуба да се договорат за финансиските услови. Баерн бара 35 милиони евра за Алкантара, но Ливерпул дефинитивно нема да се согласи да ја плати целата сума. Од „Енфилд“ ќе се обидат да ја намалат цената, но ако тоа не се случи, тие ќе сакаат да преговараат за поприфатлива формула за плаќање, се вели во информацијата.

GOLD
To Top