Новости

Кошарка

Младеновски: Првиот натпревар од претквалификациите секогаш е најважен

Најдобрата македонска кошаркарска репрезентација претпладнево ги започна мини подготовките за натпреварите со Словачка и Швајцарија, со кои ќе ги започне претквалификациите за пласман во квалификацискиот циклус за пласман на Европското првенство во 2021 година.

Новиот претквалификациски циклус доаѓа по летниот неуспех кога Македонија не успеа да избори пласман во квалификациите за пласман на мундијалот во Кина во 2019 година.

На селекторот Јорданчо Давитков на првиот тренинг му се јавија 15 кошаркари, тројца не тренираа, но ќе тренираат попладнево (Дамјан Стојановски, Ненад Димитријевиќ и Бојан Крстевски), искусниот Ѓорѓи Чековски, поради повреда, ќе ги пропушти дуелите, исто како и Диме Тасовски, а Бојан Трајковски се појави во СЦ „Јане Сандански“, но само за да го извести селекторот дека лекарите му советувале да одмора десетина дена поради повредата на мускулот, па така и тој нема да е дел од националниот тим.

Во ситуација кога Чековски и Трајковски не се во тимот, најголемиот товар под обрачите ќе треба да го понесе Љубомир Младеновски, кој игра одлично од почетокот на сезоната во првенството на Словенија.

„Периодот е кус за некои поголеми подготовки и кроење тактики, се надевам дека моите соиграчи се чувствуваат добро. Првиот натпревар е најтежок, играме кај Словачка. Се надевам дека ќе извлечеме позитивен резултат, па дури и да загубиме, важно ќе биде дома да ги победиме Словачка и Швајцарија со поголема кош разлика. Јас ќе го дадам својот максимум и се надевам дека во многу нешта ќе придонесам за тимот“, изјави Младеновски.

GOLD
To Top