Новости

Кошарка

Соколов потпиша за МЗТ Скопје

Македонскиот кошаркарски репрезентативец, Дарко Соколов, во следните 18 месеци ќе го носи дресот на МЗТ Скопје Аеродром, откако денеска ја официјализира соработката со шесткратниот шампион.

„Со ангажирањето на Соколов добивме дополнителен квалитет на бековската позиција, што и тоа како ќе биде важно во преостанатиот дел од сезоната во која сино-белите бркаат опстанок во АБА-лигата и двојна круна на домашна сцена. Станува збор за искусен кошаркар кој имаше играно за екипи како Вардар, АМАК-СП, Струмица, Фени индустри, Работнички и Карпош Соколи од каде што доаѓа во нашите редови“ истакнаа од МЗТ Скопје.

Соколов веќе има искуство со настап во дресот на „металците“ и тоа неколку месеци во 2009 година. Неговото деби се очекува на средбата против Цедевита на почетокот од следниот месец.

GOLD
To Top