Новости

Балкан

Во Косово ситуацијата се вжештува, Србија прогласи борбена готовност

По серијата апсења на северот на Косово, чија цел се и Срби и Албанци, српскиот претседател порача дека станува збор за акција на косовската полиција насочена кон Србите и свика итна седница на српскиот Совет за национална безбедност.

Меѓународните мировни сили на Косово, под водство на НАТО, КФОР, потврдија дека во тек е операција на косовската полиција, која, како што се наведува, се одвива во рамки на на борбата против криминалот.

-Операцијата на косовската полиција се одвива по налог на Обвинителството на територија на цело Косово, не само на северот, и не е вперена против криминалот на Србите, туку против лица обвинети за корупција и криминал – изјавил за „Танјуг“ портпаролот на командата КФОР, Винченцо Грасо.

Во меѓувреме, забележано е движење на српската војска и полиција кон Косово, а во касарната на војската на Србија во Краљево е забележана активност на оклопни возила, јави РТС.

Косовската полиција објави дека девет полицајци уапсени на северно Косово биле однесени во Приштина во зградата на полицискиот инспекторат на Косово.

Се потсетува дека во полициската акција се уапсени граѓани од албанска, српска и бошњачка националност.

„Полициската операција во неколку региони, вклучувајќи ги Звечан, Зубин Поток, Лепосавиќ, Северна Митровица, Јужна Митровица и Дренас, резултираше со апсење на неколку осомничени граѓани и полицајци“, соопшти косовската полиција.

Апсењата во Северна Митровица почнаа рано утрото пренесува мета.мк.

GOLD
To Top