Новости

Балкан

Српски тест на ковид-19 може да го предвиди текот на болеста

Нишката фирма „Нео медика“ пред неколку месеци почнала со производство на првите српски тестови на коронавирусот кои во меѓувреме напредувале.

Според студијата направена во Германија, „Наиса тестот“ е дополнително развиен и сега кај пациентите освен моменталната состојба можно е да се предвиди и натамошниот тека на болеста.

„Наиса“ е попрецизен дури за 500 пати од останатите тестови, пишува РТС. Со тестот се утврдува точното ниво на антитела во крвта, што е од големо значење за лечење со крвна плазма. Покрај оваа, српскиот тест има уште една предност, односно може да го предвиди текот на инфекцијата.

– Во случаите кога ИГА се јавува во првите неколку дена по појавата на симптомите и кога титар е низок, значи детектираме дека ги има малку, тогаш кај пациентите се развива многу блага клиничка слика, а во спротивно, доколку ИГА се појавува одложено, со некое задоцнување и со висок титар тогаш симптомите се значително потешки – објаснува Милица Тодоровска Рашиќ од контрола на квалитетот на „Нео медика“.

Тестирањето се прави по унапредената „Елиза“ метода, а резултатите се добиваат за само два часа.

На развој на „Наиса“ системот се работи повеќе од четири години, додека тестот на корона се развива од март.

Странскиот пазар особено е заинтересиран и за новата ИГА фракција со која, како што се истакнува, може да се утврди текот и исходот на болеста ковид-19. Затоа „Нео медика“ одлучила производните капацитети да ги прошири од 1.500 на 4.500 тестови дневно.

– Почнавме да го извезуваме новиот тест за Швајцарија, за Велика Британија тука во Европа, потоа на Блискиот исток и на други пазари каде веќе сме присутни, потпишавме 14 договори, се изработува регистрацијата на тие тестови во тие 14 земји и се преговара со уште земји – вели Саша Тричковиќ, директор на „Нео медика“.

GOLD
To Top