Новости

Балкан

Тензично во Косово: Солзавци, искршени автомобили, повредени Срби, но и косовски полицајци

Printscreen

Судири на Косово, при што има повредени Срби и косовски полицајци.

Косовската специјална единица  РОСУ упадна на повеќе локации на северот од Косово во акција за „спречување на криумчарење стока“. Српските медиуми јавуваат за десетици повредени, од кои едно лице е во животна опасност. Косовска полиција јавува дека шест повредени полицајци и тројца уапсени во денешната акција во северно Косово.

Тешко повредeниот Србин е  веќе опериран и се наоѓа во стабилна состојба, соопштија од болницата во Косовска Митровица.Искршени автомобили, амбулантни возила и пожарникари имаше на улиците, а граѓаните се собраа во центарот на Митровица. Полицијата употреби солзавец за да ја растера толпата.  Акцијата се спроведуваше во регионот на Приштина, Пеќ, Јужна Митровица и Северна Митровица. Српското државно раководство во првичната реакција ја осуди оваа, како што ја нарече „налудничава политика на Приштина“ и од меѓународната заедница, КФОР и ЕУ побара да го „заузда Албин Курти“.

Шефот на европската дипломатија Жозеп Борел денеска повика на итен прекин на насилствата и на едностраните потези на северот од Косово.

Немирите се случуваат десетина дена по кризата на административните премини Брњак и Јариње. Косовските Срби излегоа на блокади како реакција на одлуката на Приштина да не дозволува влез на возила со српски таблички без да им бидат заменети со привремени косовски таблички.

Извор: faktor.mk

Евротип
Евротип
To Top