Новости

Битола инфо

Девојче се удави во базенот „Довлеџик“ во Битола

14-годишно девојче се удави во базенот „Довлеџик“ во Битола, кој не е отворен за посетители во моментот. Од битолската болница велат дека девојчето е донесено на ургентното одделение без никакви знаци на живот после пад во базен. За жал, упорноста на екипата од ургентно и извршената реанимација биле неуспешни, вели портпаролот на болницата, Сузана Конеска. Настанот во битолската полиција бил пријавен денеска околу пладне.

Базенот е во сопственост на Јавното претпријатие „Стрежево“, но моментално е издаден под концесија на 15 години. Од „Стрежево“ велат дека кога слушнале за немилиот настан веднаш се упатиле кон базенот.

-Кога дојдов тука, вратите беа ширум отворени, нашиот диспечер проба да ги брка децата, иако не е во надлежност наша. Наша надлежност е само управувањето на главниот канал. Во април 2017 година базенот „Довлеџик“ е даден под наем во времетраење од 15 години на компанијата. Концесијата е дадена од поранешното раководство. Мене ми е жал за случувањето и за овој изгубен млад живот, упатувам сочувство до семејството. Но, јас сум изненаден со тоа што во овој период, кога го стопанисува друг базенот, во најмала рака би требало да има обезбедување на објектот, за да не се случуваат вакви немили настани, изјави Менде Граматковски, Директор На ЈП „Стрежево“.

GOLD
To Top