Новости

Битола инфо

Државниот пазарен инспекторат затвори 40-тина кафемати во Битола

За да нема групирања на лица и со цел да се почитуваат препораките на Владата, Државниот пазарен инспекторат затвори 40-тина кафемати во Битола. Исто така затворени се и 16 угостителски објекти последниот период.

-Во тек е постапка, бидејќи имаше злоупотреба со кафематите и се издаваше кафе од кафемати на бензински пумпи и во трговски објекти. Постапката е при крај и веќе имаме 43 запечатени кафемати со налепница од ДПИ. Тоа не го правиме со цел да им забраниме на луѓето да пијат кафе, туку за да се почитува одлуката да нема собирање на луѓе. Се она што ќе значи непочитување на одлуките на Владата ќе биде санкционирано и тоа не само во Битола, туку и во другите градови, потенцира Пауновски.

Пауновски додаде:

-Во Битола имаме проблеми со непочитување на одлуките кај производителите во однос на цените, а за еден производител на брашно веќе се издадени платни налози, бидејќи не ја врати цената на производот на истото ниво на кое беше на 11 март. Постапката таму е во тек и повторно ќе се изврши контрола дали се вратени цените, рече Пауновски.

Директорот на Државниот инспекторат за труд, Аљадин Хавзиу потврди дека во Битола и низ целата држава ќе се врши проверка на фирмите кои имаат избркано вработени и кои им дале на вработените да потпишат спогодба за напуштање на работното место за време на траење на кризата со коронавирусот.

– Дефинитивно ќе го направиме тоа. Апелираме да се пријават таквите случаи кај нас. Ние немаме магично стапче да ги вратиме луѓето назад на работа, но ќе ја провериме постпаката за отказното решение. Ако е согласно законот ништо не можеме да направиме, но доколку има повреди на Законот за работни односи, тогаш ќе постапиме. За да можеме да го направиме тоа неопходно е граѓаните да пријавуваат кај нас, рече Хавзиу.

GOLD
To Top