Новости

Битола инфо

„Битола Отворен Град“ ќе се одржи во септември

Фестивалот „Битола отворен град“ кој беше одложен поради пандемијата со Ковид 19, ќе се одржи во септември. Од МКЦ Битола велат дека од 3 до 5 септември, ќе се одржи издание на фестивалот со квалитетна музичка програма на кирилица, но и други мали слатки уметнички задоволства за душа и глава.

Фестивалот годинава ќе биде со поинаков формат, најавуваат од МКЦ.

„Годинава пред нас се исправи предизвикот да го организираме фестивалот во состојба на пандемија и тоа на сосема нов, оригинален, непретпоставуван дискурс, согласно пропишаните протоколи и мерки.

Пандемијата е трансформативен момент за светот. Корона-кризата испишува нови страници во домашната и светската уметност а ние имаме одговорност да ја поддржиме домашната уметничка сцена, да обезбедиме можност и услови за нејзино промовирање, конзумирање и уживање.

Уметноста успева да го најде својот пат до публиката и во време на пандемија, а ние сме должни тој пат да го направиме безбеден и за уметниците и за публиката која е жедна за квалитетна уметничка програма“ истакнуваат од МКЦ – Битола.

Годинава од 3 до 5 септември се одбележува 19. издание на Интернационалниот младински арт фестивал „Битола отворен град“.

GOLD
To Top