Новости

Битола инфо

Кондовски на средба со пензионерските здруженија

Задоволство ми беше денеска да се сретнам со мноштво активни пензионери, луѓе кои што ја граделе Битола и пред кои имаме обврска за нејзин развој, истакна при денешната средба со пензионерските здруженија во Битола, Христо Кондовски, кандидатот за градоначалник на Битола од редовите на СДСМ. Поразговара со нив за актуелните состојби со оваа категорија граѓани и што е она што треба да се подобри во оваа област.

 

„Здружението на пензионери – Битола под претседателство на Даница Петличкова обединува над 20.000 членови. Здружението на пензионери инвалиди уште 1500 пензионери. Популација од чие искуство и мудрост треба да црпиме идеи и сугестии за развој на Битола. Со претставници на двете здруженија денеска уште еднаш ги утврдивме потребите од дом за стари лица, бидејќи постоечките капацитети не се доволни, отворање на пензионерски клубови, како и изработка на социјална карта, која ќе ги прикаже реалните услови во кои живеат пензионерите и која ќе биде основа за подобрување на тие услови. Пензионерите за мене се категорија на која гледам со длабока почит. Тоа се наши родители, баби и дедовци. Луѓе кои заслужуваат достоинствени услови за живот во опкружувањето на своите деца и внуци!“, истакна Кондовски за време на средбата со пензионерските здруженија.

СН Брокер
To Top