Новости

Битола инфо

Се реконструира пешачката патека на Тумбе Кафе

Во тек се работните активности на пешачката патека на Тумбе Кафе. Согласно предвидените рокови за реализација и динамиката на изведба, патеката ќе добие нов коловоз најдоцна до крајот на идниот месец.

Градоначалничката на Општина Битола, Наташа Петровска, денес изврши увид, а како што истакнаа од Општина Битола, овие активности ова лето комплетно ќе ја променат повеќедецениската лоша состојба на патеката по која секојдневно минуваат голем број битолчани за спортски или рекреативни цели.

Граѓаните кои рекреираа или се одмораа под сенките на Тумбе кафе го поздравија овој проект, потврдувајќи ја неговата неопходност и значење за сите граѓани.

Градежните активности за реконструкција на пешачката патека на Тумбе Кафе се реализираат во должина од 538 метри со вкупна вредност на инвестицијата на Општина Битола од 5 304 304 денари.
Реконструкцијата на пешачката патека на Тумбе Кафе се врши согласно Програмата за комунални дејности и уредување на градежно земјиште на Општина Битола.

GOLD
To Top