Новости

Економија

Горивата од полноќ со нови цени

Регулаторната комисија за енергетика денеска ќе донесе одлука за нови цени на нафтените деривати кои ќе важат од полноќ.

Минатата недела цената на горивата повторно се зголеми, бензините и Екстра лесното масло за домаќинство поскапеа за 1 денар, а дизелот за половина денар.

Актуелните цени на горивата се следни:

ЕУРОСУПЕР БС-95 – 69,50 денари по литар

ЕУРОСУПЕР БС-98 – 71,50 денари по литар

ЕУРОДИЗЕЛ (Д-Е V) – 62,00 денари по литар

Екстра лесно масло за домаќинство (ЕЛ-1) – 62,00 денари по литар

Во последните 14 месеци цената на нафтените деривати вртоглаво се зголемила, цената на бензинот се зголемила за 21,5 денари, додека на дизелот за 17 денари.

Владата на 82-та седница одлучи да се зголемат давачките за увоз на нафтените деривати во земјава за 3,5 денари за моторен бензин, со содржина на олово повисока од 0,013 г/л и за авионски бензин, гориво за дизел мотори, екстра лесно масло за горење и масло за горење М1, М2 (мазут), како и зголемување од 3,1 денар за моторниот безоловен бензин со содржина на олово до 0,013г/л како помалку загадувачки нафтен дериват во однос на останатите предвидени деривати.

Евротип
Евротип
To Top