Новости

Македонија

Забрана за тешки товарни возила на Попова Шапка, Стража и Маврово-Дебар

Поради врнежите од снег на патните правци крак Маврово – Дебар, Гостивар – Кичево преку планинскиот превој Стража, како и на патниот правец Тетово – Попова Шапка се уште е во сила забраната за сообраќај за тешки товарни возила.

Сообраќајот на државните патишта се одвива по влажни коловози, на некои повисоки места во северозападните делови, југозападните и источните делови од државата со остатоци од кашест снег на коловозот по интервенција на екипите на ЈП Македонијапат.

АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони. На осојничавите места коловозите се наместа влажни, па поради ниските температури карактеристични за вечерните и утринските часови постои можност и од појава на голомразица.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.

Од 15 ноември стапи на сила законската обврска за задолжително поседување на зимска опрема во возилата, без оглед на временската состојба. Оваа обврска ќе трае до 15 март 2019 година.

GOLD
To Top