Новости

Македонија

Одбраната бара за случајот „Сопот“ како сведоци да бидат повикани Мијалков и Јанкулоска

Судењето за случајот „Сопот“ поради смена на судечкиот совет денеска почна од почеток.  Шестмина од 10 обвинети кои беа присутни на судењето се изјаснија дека го разбираат обвинението и оти остануваат на тоа што го кажале на претходните рочишта. На четворица од обвинети ќе им се суди во отсуство, бидејќи не се достапни на органите на прогонот.

На следното рочиште, што е закажано за 2 март, исказ треба да дадат пет полициски службени лица.

Адвокатот Насер Рауфи во изјава за медиумите рече дека доколку дозволи Судот, како сведоци во овој судски процес можеби ќе бидат повикани и поранешниот шеф на тајната служба, Сашо Мијалков и поранешната министерката за вантрешни работи Гордана Јанкулоска.

Случајот „Сопот” е од 2003 години, кога двајца полски војници и еден македонски државјанин загинаа, откако теренско возило на НАТО нагази на мина на локалниот пат Сушево – Сопот.

Во овој случај десет лица беа осудени за тероризам. Тие се товарат дека подметнале експлозивна направа на локалниот пат Сушево – Сопот.

Основното јавно обвинителство за гонење на организиран криминал и корупција во јули минатата година му го предаде предметот „Сопот“ на СЈО, откако во јавноста беа објавени разговори на владини функционери поврзани со овој случај.

 

 

 

Извор: 24 вести

GOLD
To Top