Новости

Македонија

Бојан Јовановски изнесен со полиција од судница поради кавга со судијката

Бојан Јовановски, обвинет во судскиот предмет „Меѓународен сојуз“ на денешното рочиште со полиција беше изнесен од судница, поради непристојно однесување и кавга со судијката.

Јовановски реагираше дека недостигаат материјали од неговиот телефон, кој го вештачеше МВР и дека не е виновен што тие не се презентирани, бидејќи форензичкото вештачење го добил летото. Тој ја обвини судијката Софче Гаврилова Ефремова за цензура и побара нејзино изземање од случајот од страна на в.д. претседателот Иван Џолев кого, пак, го обвини дека е корумпиран.

Атмосферата во судницата се вжешти во моментот кога Јовановски рече дека бил во пријателски односи со блиска роднина на судијката, по што Гаврилова-Ефремова побара интервенција на затворската полиција.

– Вие имате константна потреба да ме цензурирате. Вие постојано ме цензурирате. Само тоа што ви одговара го кажувате – рече Јовановски.

Судијката Гаврилова-Ефремова му одговори дека „судот дава и одзема збор“.

– Овде се зборува конструктивно. Обврзна сум да нема дефокусирање на главната расправа, рече судијката.

Јовановски повторно реагираше:

– Апелирам до в.д. претседателот на овој суд, иако имам недоверба и кон него,  најсериозно да ги земат предвид сите овие наводи за крајно тенденциозно однесување од страна на судијата и тоа: на секое рочиште за главна расправа, судијата ми предизвикува психички стрес поради тенденциозното, малициозно, анимозитетно однесувсње единствено кон мене како обвинет и странка во постапка. На минатото рочиште ми беше одземено правото да побарам одземање со образложение тоа да го направам писмено, а требало под нови околности. Но тоа треба да го цени друг, а не судијата за кој барам изземање, рече Јовановски.

Судијката го прекина обвинетиот Бојан Јовановски со барање од затворската полиција да го изнесат од судот.

Евротип
SNBROKER
To Top