Новости

Македонија

Денеска ќе пристигнат 110.612 вакцини „Фајзер“, а до крајот на годината уште 100 илјади

Денеска ќе пристигнат 110.612 вакцини од производителот „Фајзер-Бионтек“, кои нашата земја ги купи преку Ковакс механизмот, информира Министерството за здраввство.

Од МЗ додаваат дека до крајот на годината, преку Ковакс механизмот е најавена испорака на уште 100.000 вакцини од производителот „Фајзер-Бионтек“.

Освен на вакциналните пунктови, вакцинацијата во Македонија се одвива и теренски.

На вакциналните пунктови во државата и на терен, заклучно со вчера вакцинирани се вкупно 776.659 граѓани. Прва доза вакцина вчера примиле 2.969 граѓани, а вчера вкупно се вакцинирале 12.099 граѓани. Во државата вкупно се аплицирани 1.474.507 дози вакцини, а ревакцинирани се 697.847 граѓани.

Со последните бројки 55% од населението над 40 години имаат примено барем една доза вакцина и 31% од населението над 18-39 години е вакцинирано со барем една доза вакцина.

Вакцинацијата во Македонија не е задолжителна. Може да се вакцинираат деца од 12 години па нагоре и сите до 18 години добиваат само „Фајзер“.

Евротип
Евротип
To Top