Новости

Македонија

Здравство ги повикува граѓаните на 73 и 74 години да се пријават кај матичните лекари за вакцинација

Министерството за здравство соопшти дека во салата А1 СЦ Борис Трајковски во Скопје, има дополнителни слободни термини за вакцинација на возрасни групи граѓани од 73 и 74 години.

Термините се отворени од синоќа и граѓаните од оваа возрасна група кои досега изразиле желба за вакцинација преку веб страницата vakcinacija.mk или преку матичен лекар, може да се пријават кај својот матичен за да им закаже термин за вакцинација.

Вакцинацијата на овие групи граѓани ќе почне од четврток, на пунктовите во А1 СЦ Борис Трајковски во Скопје.

Вакцинацијата продолжува согласно Националната стратегија за ковид имунизација со приоритет врз основа на возраст,  во оваа фаза ќе бидат опфатени возрасни лица, односно постари – категорија што секако е опфатена со најголем број на хронични болести, со висок ризик за тешка форма на ковид 19 болест, компликации и смртен исход.

GOLD
To Top