Новости

Македонија

Министерот Венко Филипче поднесе оставка: „Трагедијата во Тетово ме погоди“

Оставки денеска си поднесоа и заменик-министерот за здравство Илир Хасани, како и директорот на Тетовската болница Флорин Бесими

Трагедијата во Тетово многу ме погоди. Нема зборови со кои загубата на човечки животи може да се надомести. Денеска од морални причини поднесов пишана оставка до премиерот Зоран Заев.

Ова денеска во обраќање до јавноста од просториите на Владата го соопшти министерот за здравство Венко Филипче, со што потврди дека поднел оставка од својата позиција, а како морална одговорност за пожарот што на 8 септември се случи во модуларната ковид-болница во Тетово, каде животот го загубија 14 лица.

„Пред година и пол го регистриравме првиот ковид-случај во нашата земја. Од тој ден, до денес, секогаш пред граѓаните стоев отворено и транспарентно. Никогаш не бегав од критика, никогаш не се откажав од битката да ја победиме пандемијата. Сите одлуки беа со единствена цел – да се заштити здравјето на граѓаните“, истакна Филипче.

Следен на потег по оваа објава на министерот е премиерот Заев кој треба да одлучи дали ќе ја прифати понудената оставка на Филипче.

Оставки денеска си поднесоа и заменик-министерот за здравство Илир Хасани, како и директорот на Тетовската болница Флорин Бесими.

Евротип
Евротип
To Top