Новости

Прилеп инфо

Нема празни болнички кревети во Прилеп, Струмица, Велес и во Куманово

Нема место во повеќе болници во земјава, истакна министерот за здравство Венко Филипче на денешната прес-конференција.

– Нема место во болницата во Прилеп, а нема ниту на инфективните одделенија во Струмица, Велес и Куманово. Со секојдневна комуникација пациентите се упатуваат во други болници. Целосно е спремна болницата во Кочани и во Кавадарци. Во Скопје, на Клиника има околу 20 празни места и на располагање е модуларната болница со капацитет од 72 кревети. Болницата „Осми Септември“ ќе продолжи со нормална работа, а во таа смисла е системот на ротација. Во секој момент и во другите градови можат да се зафатат кревети, но засега не е тоа неопходно – рече Филипче.

Во поглед на најавената мерка за постојано носење заштитна маска на отворено, министерот рече дека само така може да се подобри епидемиолошката слика во земјава.

– Таа мерка заедно со забраната за групирање е практично најважниот дел од целокупната превенција. Така може да се подобри епидемиолопшката слика – истакна Филипче.

Евротип
SNBROKER
To Top