Новости

Свет

(Видео) Ураганот Мајкл беснееше на Флорида – двајца загинати

Најмалку две лица загинаа, а стотина домови останаа без струја кога силниот ураган Мајкл од Флорида тргна кон Џорџија.
Првата жртва на Мајкл е маж на кој паднало дрво кое пропаднало низ покривот на неговата куќа во Флорида, пренесува Ројтерс.

Во ураганот загина и 11-годишно дете во Џорџија кога врз куќата каде се наоѓало се срушил засега неидентификуван објект.

Ураганот Мајкл вчера удри во Флорида, во близина на Мексико Бич, а властите предупредуваа дека е предоцна за да се бега и повикаа да не се излегува од дома.

Околу 320.000 луѓе не се евакуирале на брегот на Мексиканскиот Залив на Флорида пред ударот на ураганот Мајкл, соопшти синоќа официјален претставник на американскиот Црвен крст.

Иако државните и локалните претставници издадоа наредба за евакуација за околу 325.000 лица, Управата за вонредни ситуации соопшти дека не е познато колку луѓе ја напуштиле областа, но наведува дека околу 6.000 жители се сместени во 80 засолништа во пет сојузни држави.

Потпретседателот на операциите и логистика на американскиот Црвен крст, Бред Кисерман изјави дека бурата „зајакнала со екстремна брзина и немало доволно време за да се направи нешто“.

Најмалку две лица загинаа кога ураганот Мајкл ја погоди Флорида достигнувајќи јачина од четврта категорија, а речиси половина милион луѓе останаа без електрична енергија на Флорида, во Алабама и Џорџија.

Ураганот вчера ја погоди областа во близина на Мексико Бич, на околу 32 километри југоисточно од Панама Сити во регионот Пенхендл на Флорида, носејќи со себе ветрови со брзина од 249 километри на час.

Американскиот Национален центар за урагани соопшти денеска дека Мајкл ослабнал во тропска бура над централниот дел на Џорџија, но и понатаму дуваат силни ветрови во внатрешноста на земјата.

Националната метеоролошка служба претходно предупреди дека се можни торнада ширум северозападниот дел на Флорида, во југоистчна Џорџија и Јужна Каролина.

GOLD
SN Finansii
To Top