Новости

Свет

Медицинска сестра убила 20 пациенти на крајот од смената

Медицинска сестра во Јапонија е осомничена за убиство на најмалку 20 постари пациенти, така што во инфузијата додала средство за дезинфекција.

Според нејзините зборови тоа го направила на крајот од смената за ја избегне непријатноста да му соопшти на семејството дека пациентот умрел.

Аиуми Кубоки, 31, уапсена е осомничена за убиство на 88-годишниот Созо Нишикава во болницата Огучи во Јокохама, југозападно од Токио, во септември 2016 година. Таа исто така се доведува во врска со прашањето за смртта на Нобуо Иамаки (88)  два дена подоцна.

Откако е уапсена, Кубоки призна во полиција дека убила двајца како и околу „20 други пациенти“ на одделението за интензивна нега, пренесува весникот Асахи.

Полициајта верува дека инфузијата намерно ја контаминирала со средство за дезинфекција кое содрижи отровен бензалкониум хлорид, кој сосема е сигурно дека ги убил првите две жртви.

Кубоки наводно во полиција рекла дека сакала да се осигура дека пациентите ќе умрат кога таа не е на должност, и така нема да мора да ги објаснува околностите за нивната смрт пред нивните семејства.

„Би било непријатно ако таа одговорност би паднала на мене“, рекла таа.

Лекарите на почетокот верувале дека Нишикава и  Иамаки умреле од природна смрт, иако обдукцијата открила средство за дезинфекција во нивните тела. Натамошната истрага открива дека отров е пронајден во телото на 89-годишниот маж и жена на возраст од 78 години, кои одприлика умреле во исто време.

Нивната смрт се поклопи со низа инциденти за кои полицијата се посомнева дека е одговорен некој од персоналот. Искинати се низа униформи, а некој небезбедно ги отворил пакетите за инфузија.

Кубоки како медицинска сестра се вработила во 2008 година, а во болницата Огучи дошла во 2015 година откако претходно работела во друг здравствен објект. Официјално лице од болницата, рече дека „таа се смета за одговорна“, иако е тешко да се разбере што всушнсот навистина размислувала.

 

GOLD
To Top