Новости

Свет

Германската полиција предупредува: хакери ги напаѓаат порталите за вакцинација

Порталите за вакцинација и производство на вакцини се повеќе се цел на сајбер-криминалци, предупредува Федералната криминална служба на Германија (БКА).

Минатата година бројот на напади врз ИТ-системите јасно се зголеми, рече шефот на Одделот за сајбер-криминал на БКА, Карстен Мејвирт.

Тој рече дека бројот на случаи на сајбер-криминал минатата година пораснал за осум проценти, на повеќе од 108.000. Тоа е, заради споредба, двојно повеќе од 2015 година.

Од третиот квартал минатата година, БКА регистрираше зголемен број напади врз деловни субјекти и јавни институции кои се важни во борбата против пандемијата на коронавирусот.

Како прво, беа засегнати порталите за вакцинација и целиот ланец на снабдување со вакцини.

БКА исто така откри дека некои платформи на Даркнет се обидуваат да продадат лажни вакцини.

GOLD
To Top