Новости

Шоубиз

(Видео) Принцот Хари со прва изјава откако стана татко – јавноста ќе го види бебето за два дена

Неколку часа откако се здоби со титулата татко, принцот Хари даде изјава за медиумите. Тој потврди дека присуствуваше на породувањето и изјави дека многу се гордее со Меган.

„Со возбуда можам да соопштам дека со Меган добивме момче утрово, многу здраво машко бебе. Беше најубавото искуство кое би можел да си го замислам. Како жените го прават она што го прават е непоимливо. Неверојатно многу се гордеам со мојата сопруга. Не сум присуствувал на многу породувања. Ова дефинитивно ми беше прво породување. Беше прекрасно и апсолутно неверојатно. Секој татко и родител ќе каже дека неговото дете е неверојатно, но ова мало нешто е да умреш за него. Пресреќен сум“ – изјави тој.

На прашањето дали имаат избрано име за синчето, Хари одговори: Сè уште размислуваме за имиња!

Хари сподели и дека јавноста ќе има можност да го запознае новороденчето за два дена.

Меган утрово роди момче тешко 3,3 килограми.

GOLD
To Top