Новости

Шоубиз

(Видео) Никола Зацески “Волшебниот Глас” со прв сингл „Срцето мое тука чука”

После повеќе месечна работа заврши комплетната подготовка за првиот поп сингл на Никола Зацески, на музичката јавност во нашата земја познат и етаблиран како оперски пејач.
Никола Зацески или “Волшебниот Глас”, како што го нарекуваат многу критичари и колеги, за реализација на својот прв поп проект, состави врвна екипа на професионалци од Македонија и Австралија.

Аудио Продукција
– Студио: XL Момироски
– Музика, Продуцент и Миксинг : Николче Мицевски
– Текст: Весна Малинова
Видео Продукција:
линк спот https://bit.ly/2UChrt3
https://www.youtube.com/watch?v=Ykvm_hhFfIs&feature=youtu.be
– Пеце Здравковски, Ѓорѓи Вацев, Христијан Српцански.
– Модели: Клаудија Бабаровска, Симона Митревска
Австралија:
– Студио: The Jam Hut Recording Studio
– Продуцент: Горан Вељановски
– Видео: Миле Манев
“Многу успешно и со преголема енергија се заврши комплетното снимањето за мојата прва песна и спот
во Австралија и Македонија. Со нетрпение чекам да го споделам со вас овој мој прв најголем проект, кој е составен од врвни професионалци. Се надевам дека ќе успее да допре нашата порака до секој еден.
– Толку е едноставна и има една цел љубов, среќа, радост, убавина”. Никола Зацески
Подржано:
– “Игри Без Граници” “Play Without Boundaries “ – Нонпрофит Организација

Кратка Биографија
Никола Зацески, “Волшебниот Глас” амбасадор на македонската музика.
Неверојатниот глас, музички талент и искрена љубов спрема музиката (посебно македонската) ја покажува во најрана возраст.Никола започнува да свири пијано на десет годишна возраст, кога се раѓа и огромната пасија за пеење.
ОБРАЗОВАНИЕ:
Средно Музичко Училиште во Битола
Факултет за музичка уметност Св,Кирил и Методиј во Скопје
ПРОФЕСИОНАЛНА КАРИЕРА:
Професор во Средно Музичко училиште и О.У. Климент Охридски Битола
ИНТЕРНАЦИОНАЛНИ И ДОМАШНИ НАТПРЕВАРИ И НАГРАДИ:
Уште за време на своите студии Никола учествува на многу интернационални музички натпревари во Русија, Полска, Франција, Шпанија и Бугарија, освојувајќи многу индивидуални (11 награди) како и награди со неговиот хор(5 награди).
Покрај интернационалните успеси, како дел од Македонската Опера и Балет настапува на Охрискиот Фестивал, Битолскиот и Скопскиот Фестивал
Никола продолжува со својата гласовна едукација во Русија, Италија и Австриа, усовршувајќи го своето оперско пеење, но покрај операта започнува да пее и Поп и традиционална македонска музика.
Музичкиот талент на Никола и пред се љубовта за македонската традиционална музика го води и тоа многу успешно и во еден друг дел од нашето традиционално богатсво, а тоа е играорството. Од свои седум години зема учество во фолк ансамбли како играорец солист, но и кореограф. Како кореограф соработува со Националната Македонска Фолклорна група “Танец”, а 2018 кога се преселува во Австралија, се приклучува на Австралискиот танцов ансамбл ”Тоше” како главен кореограф.
Никола Зачески хуманитарец и филантроп.
Несебично и со огромна посветеност Никола подржува огромен број на хуманитарни концерти во Македонија, Австралија и целиот свет и станува водечки член на “Игри без граници”, организација посветена на создавање и организирање настани од хуманитарен карактер, со цел подигање на свеста и обезбедување на финансиски средства за децата во Македонија и цел свет.
Во Февруари 2020 година во Мелбурн комплетно ја креира програмата за хуманитарниот настан “Насмевка За Овој Свет – Насмевка за едно дете за овој свет” во спомен на животот на неговиот идол, Тоше Проески.

GOLD
To Top