Новости

Шоубиз

Пристигна првиот тизер за „Пинокио“ на Гиљермо дел Торо

По разни проблеми и долго време од првичната најава, се чини дека долгоочекуваниот анимиран филм Пинокио ​​на режисерот Гиљермо дел Торо конечно ќе ја види светлината на денот, а како потврда за тоа пристигна и првиот краток тизер.

Овој филм, направен со техника на стоп-моушн (кадар по кадар), е сместен во Италија во текот на 1930-тите, за време на фашистичкото владеење на Бенито Мусолини. Претставува нова варијанта на познатата приказна за дрвената кукла која станува вистинско момче. Но, Пинокио ​​брзо станува лош, што ќе го доведе во конфликт со Џепето, кој е свесен дека не е најубавото момче на светот.

Филмот очекува да ја знаете барем грубата приказна, но сигурно ќе има нови детали кои ќе ги каже нараторот – штурецот, што го гледаме во првиот тизер. Иако тој не се појавува во многу сцени, за првпат го гледаме конкретниот визуелен идентитет на филмот и чувствуваме барем дел од атмосферата што не очекува. Бидејќи Дел Торо е познат по своите мрачни фантастични елементи, останува да видиме како ќе ги вклопи деталите од оригиналната приказна и историскиот контекст во неговиот препознатлив стил.

Тој е ко-режиран од Марк Густафсон, а косценарист е со Патрик Мекхејл. Гласовите ги позајмуваат Грегори Ман, Дејвид Бредли, Хуан Мек Грегор, Тилда Свинтон, Кристоф Валц, Фин Волфхард, Кејт Бланшет, Џон Тортуро, Рон Перлман, Тим Блејк Нелсон и Берн Горман. Сè уште не е познат датумот на премиерата, но се очекува филмот да биде достапен на Нетфликс во ноември оваа година. Во продолжение погледнете го тризерот на новиот „Пинокио“.

Извор на насловна фотографија: Collider

Извор: The Verge

Евротип
SNBROKER
To Top