Новости

Занимливости

После одморот ви се потребни уште три дена да одморите

После одмор од седум дена , потребно ви е барем три дена  да се одморите и повторно да се навикнете на секојдневните навики. Ако  две недели сте биле на одмор, ќе ви требаат најмалку четири дена за да се „вратите во нормала“ …

Студијата на околу 2.000 возрасни кои патувале во странство на годишен одмор открила дека се потребни најмалку две ноќи за да ги вратат навиките за спиење во нормала.

Истражувањето покажа дека шест од десет луѓе веруваат дека навикнувањето на вообичаената утринска рутина е најтешкиот дел од враќањето во „реалниот“ живот после паузата. Исто така, четворица од десет признаваат дека се загрижени да се вратат на работа после одмор, а една четвртина одвојуваат уште неколку дена, оставајќи си време да се вратат во „стариот“ живот.

Повеќе од половина од луѓето велат дека е многу тешко за нив да се вратат од одмор, бидејќи тоа значи дека ќе треба да ја направат целата работа со заостаната состојба. Покрај тоа, многу од нив признаваат дека го чувствуваат тој притисок пред да заминат на одмор, знаејќи што ги чека на нивното враќање …

Еден од тројца испитаници дури велат дека понекогаш се прашуваат дали вреди да се оди на годишен одмор, затоа што подготвувањето да замине е толку стресно, и тешко им е да се вратат на обврските по одморот.

Кога станува збор за спиење, на некои спиењето подобро им оди додека се на одмор, на други им е тешко да спијат подалеку од креветот и домот, а 22 проценти редовно уживаат во попладневните дремења, што подоцна им недостасува кога ќе се вратат дома.

„Одвојувањето време за релаксација и одмор е клучно за физичкото и менталното здравје, но за многу луѓе времето епред заминувањето и при пристигнувањето е проблем. Ова е комбинирано со стресот што ја придружува подготовката за патувањето“, вели психологот д-р Мег Ерол.

Таа додаде дека истражувањето открило дека луѓето ги поминуваат последните два дена од празниците размислувајќи загрижено за обврските што ги очекуваат.

GOLD
To Top