Да се биде Дедо Мраз воопшто не е лесно: Во светот постои академија за Дедо Мраз
Само да облечете црвен костум и да ставите лажна бела брада не е доволно за да ја заслужите титулата Дедо Мраз. Затоа, дали сте знаеле дека за да се стане „вистински“ Дедо Мраз, постои училиште во кое ве учат за тоа.
Училиштето или академијата е Northern Light Santa и се наоѓа во Атланта, Џорџија.
– Постојат два вида на Дедо Мраз: професионални и момци во црвени одела. Разликата е во тоа што има такви кои сакаат да напредуваат, да научат и да го совладаат занаетот. – вели Санта Рик, кој ја води Академијата.
Дополнително, постои и Конзерваториум за Дедо Мразовци со кој раководи Санта Ед. Од 2013 година, повеќе од 2.300 Дедо Мразовци се вклучени во онлајн програмата за обука. Санта Ед ги учи идните дедовци на работилници и семинари за сè, дури и за белеење и нега на брадата.
Но, Академијата има и посебни одделенија за Дедо Мраз и џуџиња. Цените на курсевите се движат од 97 до 347 долари.
И тоа не е единственото училиште за Дедо Мраз. Повеќе од 200 ученици секоја година се собираат во училиштето Чарлс Хауард за да присуствуваат на тридневна серија часови каде што учат сè, од историјата на Свети Никола до навиките на ирвасите.
Професионалниот Дедо Џим, кој работи во областа Бостон веќе 14 години, посетувал неколку училишта за да ја усоврши својата улога на добриот дедо.
– Многу луѓе мислат дека да се биде Дедо Мраз само значи да се појавиш, да седнеш на каучот и да ги оставиш децата да ти седнат во скут. Но, она што го правам е многу повеќе од тоа – вели Санта Џим.
За него, да се биде Дедо Мраз значи работа во текот на целата година, а декември е само врв на сезоната, кога се работи најмногу.
Да се биде Дедо Мраз воопшто не е евтино. Џим ја увезува својата брада од Швајцарија по цена од 750 долари, има појас кој чини 400 долари и троши повеќе од 300 долари годишно на хемиско чистење.
Рик, од Академијата, вели дека врвните Дедо Мразовци можат да заработат до 25.000 долари годишно, но патувањето, сместувањето и облеката чинат многу. За квалитетен костим и додатоци, Дедо Мраз мора да потроши најмалку 1.000 долари, а комплет брада од човечка коса се продава по цена од 1.800 до 2.500 долари.
Препорачуваме за вас
