Новости

Астрологија

Астро декади: Трите лица на астролошките знаци

Десеттините се доделуваат на знаците од ист елемент, кои припаѓаат на оној знак од чиј дел се. Така декадите во знакот Овен се поврзани со Овенот, Лавот и Стрелецот, значи сите три десеттини ги претставуваат огнените знаци. Со секоја декада владее владар на оној знак на кој е доделена, па во претходниот пример, со првата десетина владее Марс (Овен), со втората Сонцето (Лав) и со третата Јупитер (Стрелец). Секоја декада има свое значење и можеме дополнително да го појасниме карактерот на личноста и неговите склоности.

ОВЕН

Прва декада (21.03 – 30.03)

Владар – Марс

Полни сте со енергија, страст и ентузијазам. Животот ви е преполн со изненадувања и потфати што го будат адреналинот, а она што ви недостасува се трпението и самоконтролата. Во љубовта сте ненадејни, брзо пламнувате, но уште побрзо емоционално се гасите. Внимавајте на главата, забите, очите и ушите.

Втора декада (31.03 – 10.04)

Владар – Сонце

Вие сте роден лидер, сакате доминантни улоги, чекорите со подигната глава, ја чувате гордоста и уживате во прекрасните комплименти од околината. Великодушни сте и дарежливи. Имате многу пријатели и активен социјален живот. Поседувате талент за заведување.

Трета декада (11.04 – 20.04)

Владар – Јупитер

Активни сте и приземни. Тежнеете кон високи и угледни позиции во општеството и на работното место. Вие сте голем авантурист и истражувач. Способни сте да ги остварите вашите идеи. На работниот пат ве чекаат успех и пари, а на интимниот брак од љубов.

БИК

Прва декада (21.04 – 29.04)

Владар – Венера

Поседувате природни убавина, шарм и сензуалност. Има нешто во вас кое ги привлекува луѓето во вашата близина. Сакате музика, мода, вкусна храна и избрано вино. Еротични сте, заводливи и не можете да си го замислите вашиот живот без партнер и љубов.

Втора декада (30.04 – 09.05)

Владар – Меркур

Комуникативни сте, елоквентни, можете да бидете успешни во областа на пишувањето, дизајнот, маркетингот и односите со јавноста. Имате многу хобија. Рано започнувате да заработувате за живот. Вашите врски главно започнуваат од пријателство и важно ви е со партнерот да делите исти интереси.

Трета декада (10.05 -20.05)

Владар – Сатурн

Амбициозни сте. Многу ви значи материјалната сигурност и професионалниот успех, па целата енергија ја вложувате во тоа. Многу сте упорни, тврдоглави и неприлагодливи. Не се препуштате на чувствата.

БЛИЗНАЦИ

Прва декада (21.05 – 31.05)

Владар Меркур

Комуникација, образовни установи, забавна индустрија и работа во медиуми се само дел од областите во кои би можеле да остварите успех. Зборлести сте, духовити, симпатични, сакате да ви се восхитуваат поради знаењето, а и гестикулацијата ви е жива. Чувајте ги нервите.

Втора декада (01.06 -11.06)

Владар – Венера

Уживате во заведувањето, знаете како да им се допаднете на другите, секогаш сте во центарот на случувањата, имате многу познаници, а малку вистински пријатели. Ги следите модните трендови. Долгата врска често ви досадува.

Трета декада (12.06 – 20.06)

Владар – Уран

Интелигентни сте, информирани, ве привлекуваат луѓе со цврст карактер и необичен начин на размислување. Имате многу таленти и можете да работите повеќе работи истовремено. Ја сакате вашата слобода и не е лесно да се задржите на едно место. Врските ви се полни со подеми и падови.

РАК

Прва декада (21.06 – 30.06)

Владар – Месечина

Романтични сте, чувствителни и интуитивни. Верни сте на семејството и традиционалните вредности. Вашето расположение во текот на денот се менува неколкупати. Фантазирате и се грижите за оние кои ги сакате. Ги криете чувствата, ранливи сте и се плашите од емоционални повреди.

Втора декада (01.07 – 11.07)

Владари – Марс и Плутон

Во детството се повлечени и срамежливи, а во зрелата доба се претвораат во самосвесни војници, не дозволувајќи да ги навредуваат и омаловажуваат. Тешко се носат со бурата од емоции и страсти кои ги кријат од останатите. Великодушни се, чувствителни, понекогаш арогантни и провокативни.

Трета декада (12.07- 22.07)

Владар – Нептун

Вие сте уметничка душа и животот ви е незамислив без добра книга, танц, музика… Го сакате морето и водата, бидејќи тоа ве опушта. Склони сте кон илузии, особено кога ќе се заљубите. Не ве плаши самотијата, но стравувате од губењето на љубовта и саканата личност.

ЛАВ

Прва декада (23.07 – 02.08)

Владар – Сонце

Театрални сте, знаете да се наметнете, да привлекувате внимание, да заведете, да покажете самосвест. НЕ поднесувате авторитети, иако својот со задоволство го наметнувате на другите. Сакате деца, игра, забава, убави работи и живот на висока нога. Чувајте го срцето и крвниот систем.

Втора декада (03.08 – 12.08)

Владар – Јупитер

Великодушни сте, оптимистични и забавни. Знаете да ракувате со парите и по правило тие лесно доаѓаат во вашиот живот. Имате високи морални принципи, ја цените вистината и искреноста. Еден дел од животот можете да го поминете во странство. Низ животот имате многу љубовни врски.

Трета декада (13.08 – 22.08)

Владар – Марс

Енергични сте, страсни, активни и одлучни. Не поднесувате монотонија и секогаш сте во потрага по некои нови искуства. Тешко ги контролирате чувствата, а љубовниот живот ви е бурен и непредвидлив. Најголемата опасност за вашето здравје е лудиот и стресен ритам на живот.

ДЕВИЦА

Прва декада (23.08 – 02.09)

Владар – Меркур

Многу размислувате, долготрајно анализирате, сѐ сакате да испланирате и ништо не оставате на случајност. Го цените квалитетот и совршеноста. Се обидувате да го дадете најдоброто од себе. Вие сте голем работохоличар. Ги смирувате чувствата и никогаш не се заземате за себе.

Втора декада (03.09 – 12.09)

Владар – Сатурн

Делувате ладно и испланирано, ги контролирате емоциите и честопати сте претерано сомнителни и внимателни. Ги сокривате чувствата во страв дека можете да бидете повредени. Рационално располагате со парите. Важна ви е финансиската стабилност, и не се потпирате многу на емоциите.

Трета декада (13.09 – 22.09)

Владар – Венера

Педантни сте, со добар вкус, секогаш добро облечени и пристојно дотерани. Имате смисла за дипломатија, не сакате грубост и се обидувате со сите да бидете љубезни. Добри сте во вашата работа. Бегате од интензивните чувства, а партнерот го набљудувате со критички очи.

ВАГА

Прва декада (23.09 – 02.10)

Владар – Венера

Имате волшебна насмевка, неодолив шарм, а со убавите зборови ги отворате сите врати. Бракот и љубовта ви се исклучително важни. Едноставно не знаете, но и не можете да бидете сами. По природа сте необични и несамостојни. Често се занимавате со работа која е поврзана со убавина или жени.

Втора декада (03.10 – 12.10)

Владари – Уран и Сатурн

Зад љубезната природа се крие силен карактер. Без разлика колку пати животот ќе ве удира, вие секогаш ќе останете на своите нозе. Вие сте како железна рака во кадифена ракавица. Кога ќе ве налутат, знаете да бидете опасни и немилосрдни. Амбицијата може да ве одведе на патот на работните успеси.

Трета декада (13.10 – 22.10)

Владар – Меркур

Можеби животот не ве галел, но ве одвел на патот на самоостварувањето и личниот развој. Надарени сте за музика, танц и глума. Долго ја задржувате младоликоста и виталноста.

ШКОРПИЈА

Прва декада (23.10 – 02.11)

Владар – Марс

Често имате исклучителни способности, понекогаш и натприродни. Имате силен карактер, страсни сте и секогаш желни за предизвици и докажување. Знаете да бидете чувствителни и љубоморни. Можете да се занимавате со стресна или ризична работа. Во љубовта не сте многу верни.

Втора декада (03.11 – 12.11)

Владар – Нептун

Без разлика колку тешко ги преживувате емоционалните бури, на вас тоа нема да биде видливо. Имате голема моќ на самоконтрола, но и харизма. Во една животна фаза можете да се насочите кон мистицизам. Длабоко сте интуитивни, креативни и интелигентни.

Трета декада (13.11 – 21.11)

Владар – Месечина

Задоволни сте со себе, но и многу мечтовите и чувствителни. Зрачите со сексапил, заведувате со погледот на кој е невозможно да се одолее. Иако знаете да се однесувате самодеструктивно, можете да поминете низ тешки животни кризи, а имате и голема способност за регенерација. Неуништливи сте.

СТРЕЛЕЦ

Прва декада (22.11 – 01.12)

Владар – Јупитер

Ве краси голем оптимизам, жед за знаење, интерес за далечни патување и други култури. Имате нос за бизнис. Знаете да уживате, а омиленото мото ви е „Живеј и оставете ги другите да живеат“. Среќата често ве чека далеку од местото во кое сте родени.

Втора декада (02.11 – 11.12)

Владар – Марс

Можете да дојдете до тајни знаења, да го изучувате минатото и старите народи, односно да се занимавате со работа во која на другите луѓе ќе им ја будите свеста за нивната улога во животот. Не поднесувате кога некој ви наметнува авторитет или ве попречува. Рано си заминувате од родителите.

Трета декада (12.12 – 21.12)

Владар – Сонце

Барате успех. Морате да постигнете нешто повеќе, да бидете над просекот. Барани сте. Иако имате многу пријатели, поважен ви е вашиот личен простор. Ја сакате природата, патувањата, ве занимава филозофијата, и истражувачката работа.

ЈАРЕЦ

Прва декада (23.12 – 31.12)

Владар – Сатурн

Во вашиот живот сѐ е поход, и без разлика колку илјадници километри би требало да поминете, нема да се откажете додека не стигнете до целта. Упорни сте, доследни, сериозни и одговорни. Рано во животот се сретнувате со одрекување, но тоа е само вашиот подем кон врвот.

Втора декада (01.01 – 10.01)

Владар – Венера

Рано созревате, удобно се чувствувате во друштво на зрели луѓе. Рационални сте, штедливи, но можно е да ва заслепи раскошот, па дури и алчноста. Добро се снаоѓате во организирањето на работата и работата со луѓе. Во љубовта сте верни.

Трета декада (11.01 – 20.01)

Владар – Меркур

Имате високо мислење за себе и многу вложувате во образованието и кариерата. Во зрелата доба уживате во своите постигнувања. Тежнеете кон духовен развој, но ниту материјалните задоволства не ви се непознати. Сакате црн хумор.

ВОДОЛИЈА

Прва декада (20.01 – 29.01)

Владар – Уран

Социјални сте, духовни, гладни за непредвидливи идеи и необични искуства. Ги сакате луѓето, оригинални сте, непосредни и за поголемиот дел од луѓето – несфатливи. Со духот сте пред вашето време, ја сакате науката, научната фантастика и сето она што може да ве возбуди и да го разигра вашиот ум.

Втора декада (30.01 – 08.02)

Владар – Меркур

Комуникативни сте, непосредни, многу размислувате и бавно зборувате. Најдобро ви лежат креативните работи и тимската работа. Сакате друштво од млади личности, знаете да ги насмеете и забавувате соговорниците. На интимен план честопати ќе ги помешате љубовта и пријателството.

Трета декада (09.02 – 19.02)

Владар – Венера

Во вас се одвива расправија помеѓу старото и новото, помеѓу желбата да тргнете понатаму и да останете тука каде што сте. Можете да постигнете многу во работата која е поврзана со мода, дизајн, нови технологии. Колку и да сте скептични, не престанувајте да го истражувате сето она што е ново и непознати.

РИБИ

Прва декада (19.02 – 28.02)

Владар – Нептун

Мечтовити сте, креативни, можете да бидете надарени за компонирање музика, пишување стихови, за танцување, за книжевност и глума. Исклучително сте интуитивни, склони кон идеализирање и платонска љубов. Немате многу смисла за практично, верувате во првиот впечаток и својата интуиција.

Втора декада (29.02 – 09.03)

Владар – Месечина

Романтични сте, ранливи и емотивно несигурни. Сакате деца, се држите до семејството и оние кои га сакате. Им помагате на послабите и немоќните. Тешко си заминувате од родителскиот дом. Мајката има посебна улога во вашиот живот. Лесно се заљубувате и сте во вечна потрага по сродна душа.

Трета декада (10.03 – 19.03)

Владари – Марс и Плутон

Надарени сте со сексапил и сте доста вешти во заведувањето. Посесивни сте кон саканата личност и често ја притискате со големи очекувања. Интуицијата е вашиот водич низ животот. За вас е важно да имате јасна цел во животот, но и разработена стратегија за нејзино остварување.

 

 

GOLD
To Top