Новости

Астрологија

Дневен хороскоп (30.05.2017)

Овен

Нервната раздразливост е последица на неспособноста да мислите со сопствената глава. Се што сте планирале паѓа во вода, па имате чувство дека сте изложени на планетарни влијанија. Потрудете се да не носите важни одлуки, спасот пронајдете го во хобито. Ќе загубите некој драг пријател.

Бик

Не се принудувајте да ги надминете човечките граници. Вашиот перфекционизам може да излезе од контрола и надополнет со вашата нестрпливост да направи „убиствена“ комбинација. Сакате да постигнете толку многу, во толку малку време. Опуштете се и оставете барем за момент работите да се движат без вашата прекумерна контрола.

Близнаци

Денес преземете ја иницијативата, било да станува збор за вежбањето или за работата. Не очекувајте дека вашето тело само ќе се доведе во топ форма, ниту дека вашата сметка магично ќе се наполни со парични средства. Бидете активни и променете ги навиките што ги имате. Направете си го секојдневието подинамично.

Рак

Ситуацијата бара приспособување, а тоа ви оди тешко. Сакате да постигнете максимум со минимално вложување, но тоа е невозможно, разочарувањето е неминовно. Нерасчистените работи од минатото посебно ве нервираат, требаше претходно да се подготвите.

Лав

Благодарение на интелигенцијата ќе постигнете завидни резултати. Ќе се најдете во ситуација да доминирате и да добивате пофалби. Работите ќе се одвиваат во ваша корист. Со помош на шармот и сопствената сила ќе успеете да ги совладате проблемите. Внимавајте на здравјето.

Девица

Постои ли некоја тајна која би сакале да ја откриете, но не можете? Денес околу вас ќе владее некоја чудна енергија и интелектуална загатка. Што и да биде, ќе дадете се од себе за да откриете се што може да се открие. Не бидете премногу напорни, може да ги одалечите важните луѓе од вас. Со мирен пристап ќе постигнете многу повеќе.

Вага

Ќе забележите деловен успех, финансиска добивка или среќа на лотарија, а со оглед на тоа и вашата среќа ќе биде поголема. Активни сте, а тоа е одличен лек за незадоволството. Ако ви е за утеха, ни околината не се чувствува најдобро. Во наредните денови ќе постои одлична можност да се истакнете, направете го тоа онака како што само вие знаете.

Шкорпија

Морате да се приспособите на околината ако сакате да избегнете проблеми. Постојано сте опкружени со непријатни случки кои сакате да ги скриете од блиските. Не обвинувајте некого, сами сте виновни за таквата состојба. Лошо се организирате и си создавате беспотребни обврски.

Стрелец

Искористете ја инспирацијата и смислата за убаво таму каде што е потребно. Наместо да сте суетни и да се величате себеси, потрудете се на околината да и пренесете нежност и топлина. Ова е вистински момент да размислувате за љубовта, но не заборавајте ја и работата, следи период во кој ќе можете да напредувате.

Јарец

Ослободете се од минатото. Одредени стари случувања сe уште влијаат врз вашите реакции во различни ситуации. Несвесно донесувате животни одлуки кои најверојатно би биле поинакви во други околности. Верувајте во себе и во вашата способност да се справите со предизвиците што ги носи иднината.

Водолија

Сe натпреварувате и ги докажувате сопствените вредности. Сакате да ја убедите околината на некои свои замисли. Не можете да избегнете нервоза и покрај тоа што сте урамнотежени. Доколку размислувате за патување ќе ви биде полесно. Нема да можете да се сопрете ниту за минута и постојано ќе ви надоаѓаат креативни идеи за нови теми на разговор.

Риби

Денес ќе бидете едноставно неодоливи. Ќе плените со остроумност и подготвеност за преземање на смели потези. Нема да дозволите други да ве ограничуваат и бестрашно ќе го покажувате вашиот немирен дух. Изразете се без воздржување, ова е ваш ден, ова е ден за незаборавни моменти.

GOLD
To Top