Новости

Астрологија

Овенот брани, Лавот заведува: Секој хороскопски знак опишан со само еден глагол

Секој човек носи доминантна енергија или сила, без разлика колку тоа му се допаѓа или не. Во продолжение погледнете кој глагол најдобро го дефинира вашиот хороскопски знак, а потоа истражувајте и утврдете дали е тоа позитивен или негативен аспект на вашата личност. Секој може да стане подобра верзија од себе ако ја прифати својата уникатност и ако го насочи своето внимание на патот кој го избрал.

Овен: „Брани“

Некои луѓе вам би можеле да ве наречат агресивни, но вие само сакате да заштитите сѐ и секого околу вас. Како и Девицата, вие не се чувствувате како комплетна личност сѐ додека активно не им помагате на другите и не ги решавате нивните проблеми. Кога витезите би биле некој хороскопски знак, без сомнение би биле Овен.

Лав: „Заведува“

Постои причина зошто повеќето актери се родени во знакот Лав и тоа е затоа што тие се одлични за придобивање на луѓето околу нив. Вие не сте свои додека не ги уверите сите колку беспрекорен човечки пример сте и искрено, добро е што имате таква самодоверба на сите нивоа.

Стрелец: „Движи“

Вам ви е тешко да се оттргнете од социјалните мрежи, дури и само за момент. Најчесто дури и тешко се одлучувате за каква било активност, без разлика дали се работи за филм, игра или слично, бидејќи се плашите да не пропуштите некој важен настан. Стрелците се плашат дека не го живеат животот во целост. Затоа и излегуваат надвор за да запознаат нови луѓе и да се забавуваат со нив.

Бик: „Управува“

Доколку не им зборувате на сите околу вас каде се вашите граници, колку се во право или не, тогаш најверојатно спиете. Вие немате време за тривијални разговори, па секогаш во разговорот сте кратки и јасни.

Девица: „Работи“

Што друго би можеле да работат? Дали моментално би можеле да прават уште нешто? Девиците едноставно се најпродуктивни од сите знаци во зодијакот и не се среќни ако не се вработени.

Јарец: „Искачува“

Вие постојано сте во потрага по следниот предизвик, како на пример некоја нова планина за искачување или пак, достигнување следно ниво во животот. Вам просечноста ви е досадна и вие нема да запрете додека не го достигнете врвот. Токму поради тоа понекогаш можете да бидете прекумерно конкурентски расположени.

Близнаци: „Променува“

Во еден момент само сакате да се забавувате, а веќе во наредниот сте бесен тигар кој бурно реагира кога некој нема да го сфати сериозно. Никој не знае што точно може да очекува од вас, бидејќи сте многу променливи. Вие имате случајни емоции и идеи кои може да произлезат во кое било време.

Вага: „Балансира“

Вие се обидувате да бидете добри во сѐ, затоа што очигледно сте свесни за вашите недостатоци. На пример, може да бидете одличен механичар, но лош возач или пак сјаен љубовник, а лош романтичен партнер. Вие не сте особено талентирани за пронаоѓање рамнотежа, но тоа не ве спречува да продолжите да се обидувате. Знаете дека не можете да бидете добри во сѐ, но се обидувате.

Водолија: „Омекнува“

Вие сте навистина грижливи и чувствителни. Без многу напор правите работите да изгледаат поудобни. Идеален свет за вас е оној во кој секој го пронаоѓа доброто во другиот и завршува со својата сродна душа. Вашата вибрација дефинитивно е најдобра.

Рак: „Засолнува“

Вие сакате да изградите дом во сите аспекти на вашиот живот. Стабилноста и посветеноста се вашите клучни извори. Вие имате направено план за семејниот живот, односите и кариерата и се држите до тој план.

Шкорпија: „Планира“

Вашиот ум е лавиринт во кој никој не смее да влезе. Секогаш мислите три чекори понапред и најсреќни сте кога победувате. Исто така вие го планирате вашиот резултат во текот на целата игра.

Риби: „Чувствува“

Вие сте емотивни и многу внимателни. Ги чувствувате работите дури и пред да сфатите што воопшто чувствувате, па поради тоа одвреме-навреме комуникацијата со вас станува невозможна.

GOLD
To Top