Новости

Автомобили

BMW го покажа серискиот X2 (фото)

Компанијата „BMW“ ги покажа првите официјални фотографии на новиот кросовер „X2“, чија светска премиера ќе се одржи за време на автомобилскиот саем во Франкфурт во септември.

И покрај тоа што е камуфлиран, прототипот во голема мера потсетува на концептуалната верзија на моделот, претставена минатата година. Предниот и задниот дел се идентични, истото важи и за застаклувањето на возилото. Но, недостасуваат некои аеродинамични елементи, како и камерите кои кај концептот ги заменуваше страничните ретровизори.

Засега од „BMW“ не откриваат детали за новиот модел, но е познато дека тој ќе биде изграден на платформата „UKL1“ користена кај кросоверот „X1“ и компактниот „Series 2“. Новите модели на „MINI“ ја користат истата архитектура која е со преден погон, но може да работи и со систем за погон на сите четири тркала.

Се очекува серискиот „BMW X2“ да добие 3-и 4-цилиндрични бензински и дизел мотори. Верзиите со преден погон ќе бидат опремени со рачен менувач, а оние со 4х4 ќе се потпираат на автоматски менувач. Топ-модификацијата ќе биде подготвена од M-делот на баварците, а ќе добие 300 КС.

Извор: denar.mk

GOLD
To Top