Новости

Психологија

Можеме да научиме многу за себе и за другите! – Научниците откриваат што открива насмевката за нас

Смеењето или насмевката е еден од начините на кои можеме да откриеме дали некој е среќен или не, а неодамна научниците открија и исто така докажаа дека смеењето може да ни помогне да дознаеме повеќе за другите, но и за себе. Што открива нашето смеење за нас?

Различни студии покажаа дека смеата може да открие повеќе околу тоа колку е среќен човек, а еве како преку смеа можете да ги запознаете другите, но и себе.

Препознавање на спонтано и доброволно смеење

Постојат два видови на смеење. Првото е спонтано смеење и се карактеризира со неконтролирана реакција на нешто што ќе не насмее – како урнебесна шега – и произведува препознатлив звук кој тешко се лажира.

Од друга страна, доброволното смеење се произведува со намерен звук и тоа е вид на смеа што ја создаваме кога сакаме учтиво да реагираме на лоша шега. Истражувањата покажаа дека доброволното смеење може да ни помогне подобро да препознаеме личност која се смее затоа што е произведена на намерен и контролиран начин.

Поголема е веројатноста да се смееме ако ја познаваме личноста што ја кажува шегата

Дали во друштво имате одреден пријател или омилен комичар кој секогаш ве насмевнува? Науката вели дека смеењето на некого или неговит шеги најверојатно е поради познавањето на таа личност. Шегите често се посмешни ако ги кажува некој што го познаваме, како пријател или познат комичар.

Најмногу се смееме кога сме со пријателите

Според Роберт Провин, психолог од Универзитетот во Мериленд, 30 пати поголема е веројатноста да се смееме на нешто кога разговараме со пријателите. Студијата покажала и дека не не смеат со шеги, туку со начинот на кој реагираме на другите за да им покажеме дека ги сакаме и разбираме, пишува zena.rtl.hr.

Врската трае подолго кога се смеете заедно

За време на истражувањето спроведено од психолог од Универзитетот во Беркли, Боб Левенсон побарал од паровите да разговараат за чувствителни работи како што е она што ги нервира кај нивниот партнер.

Студијата покажала дека кога паровите се смееле во разговорот, тие се чувствувале подобро веднаш по разговорот на чувствителна тема. Тие изјавија и дека се посреќни од нивната врска и дека подолго се заедно.

Евротип
SNBROKER
To Top