Решете го тестот и дознајте какво е вашето ментално здравје
Дознајте какво е вашето ментално здравје – решете го тестот со овие четири прашања и дознајте!
Менталното здравје е исклучително важно, а кога ќе ги забележите првите знаци дека е нарушено, неопходно е да се консултирате со психотерапевт. Анксиозноста, депресијата, хроничниот стрес се предизвици со кои се соочуваат многу луѓе денес.
Овие симптоми никогаш не треба да ги игнорираме, бидејќи менталната хигиена е неопходна за здрав, среќен и квалитетен живот на секој поединец.
Одговорете на четири едноставни прашања и дознајте дали вашето ментално здравје е нарушено:
1. Како се промени моето однесување за време на краток или долг одмор?
Кога ќе забележите дека вашето однесување одеднаш се променило во изминатите неколку денови, недели, месеци, тоа е причина за тревога. Некогаш сте оделе на планинарење, сте се среќавале со пријатели, спортувавте и танцувавте, но сега мирно седите дома, завиткани во ќебе и незаинтересирани околу нештата кои некогаш ве правеле среќни?
Дали се чувствувате одморено по одморот или уште полошо се чувствувате за време на викендот додека не дојде понеделник (или вториот прв работен ден по одморот)? Дали се плашите да бидете сами и не сакате да бидете опкружени со луѓе? Доколку се препознаете во овие ситуации, постои ризик од депресивно расположение за што е неопходно да се консултирате со експерт.
2. Што почесто кажувате: „Да“ или „Не“?
Дали сте подготвени да ги прифатите поканите или понудите на пријателите да одите некаде? Научете нешто ново, пробајте нешто или видете нешто интересно? Или почесто одбивате предлози и можности и се затворате дома, само за да не ја напуштите вашата комфорна зона?
Ова е сосема добро ако уживате во осаменоста и чувствувате мир и хармонија во неа. Но, ако постојано избегнувате контакт, тоа може да биде сигнал дека нешто потиснувате. Ако некое лице се крие од целиот свет за да страда и да се грижи за својата вознемиреност и стравови (или само да седи и да не чувствува ништо) – ова е јасен симптом на ментални проблеми.
3. Наведете нешто што ви носи вистинско задоволство
Колку работи или активности можете да наведете одеднаш, без многу размислување? Отсуството на нормална човечка радост, способноста да се ужива во животот, другите луѓе и некои многу едноставни работи е јасна причина за посета на специјалист.
Кога ништо не го прави човекот среќен и ништо не му носи задоволство, ова може да биде еден од првите симптоми на депресија.
4. Каква личност гледате во огледалото?
Ако не можете јасно да одговорите на ова прашање, прашајте ги вашите најблиски. Подгответе се за неочекувани, можеби дури и некои непријатни признанија.
Ако неколку од нив велат дека во последно време е многу тешко да ве препознаат, можеби навистина се случуваат некои промени на психолошки план, а во тој случај најдобро е да разговарате со специјалист, пренесува srbijadanas.com.
Препорачуваме за вас
