Новости

Здравје

Децата постари од 2 години не би требало да спијат во текот на денот

Доколку вашето дете не сака да спие во текот на денот, нема потреба да го присилувате на тоа. Според експертите за спиење, попладневниот одмор само го нарушува квалитетот на ноќниот сон кај децата постари од две години.

Иако повеќето родители веруваат дека попладневниот одмор е добар за децата, новите истражувања покажуваат дека всушност има негативно влијание врз здравјето.

Според Националната фондација за спиење, децата постари од две години треба да спијат од 10 до 13 часа во текот на денот. Но едно истражување открива дека децата кои после втората година од животот продолжуваат со спиењето во текот на денот, подоцна имаат проблеми со квалитетот на сонот.

Исто така, спиењето во текот на денот може да биде знак дека детето спие премногу. Родителите мора да сфатат дека дневниот и ноќниот сон не се исти. Доколку спиете во текот на денот, само го нарушувате спиењето навечер, кое пак е биолошка потреба.

Заклучокот на научниците е дека децата постари од 2 години кои не спијат денски имаат поквалитетен сон, а ова сигурно им е важно на сите родители.

GOLD
To Top