Новости

Здравје

Еве како влијаат 10 дена на море врз вашето здравје

Летувањето на море прави да ослабете, да го намалите целулитот, да добиете еден куп нови позитивни идеи, да се наполните со витамин Д…

Морскиот воздух и вода се навистина добри како за вашето тело, така и за вашата душа.

Морето ги содржи сите елементи важни за нашиот здрав живот – натриум, магнезиум, калциум, калиум, силициум…

Морската вода длабоко продира во кожата и со тоа овозможува позитивно делување на минералите и сите останати елементи врз нашето тело.

Алгите исто така се сметаат за извор на здравје и убавина. Го поттикнуваат обновувањето на клетките, го подобруваат изгледот на кожата, го стимулираат метаболизмот, го зајакнуваат имунитетот, спречуваат воспаленија и го топат целулитот.

Зошто е добро да летувате покрај море, освен уживањето?

Морето благотворно делува и на астмата и алергиите

Морската сол има антисептички и антихистамински својства заради што е поволна за лицата со астма и алергии. Чистиот морски воздух заситен со негативни јони поволно влијае на дишните патишта кај луѓето кои боледуваат од астма.

Со сончање го снабдуваме телото со витамин Д

Сончањето не ни носи само убав бронзен тен, туку и доволни количини витамин Д. За сончање одбирајте ги раните утрински или доцните попладневни часови.

Брановите ослободуваат од стрес

Самиот звук има терапевтско дејство и тоа веќе сигурно ви е добро познато.

Морето е идеално за спорт

Летувањето покрај море не мора да биде само излежување. Напротив, на плажа може да испробате повеќе спортови и да ги засакате активностите кои претходно не сте ни помислувале да ги правите.

Морскиот воздух е богат со негативни јони

Токму тие негативни јони го зајакнуваат имунитетот, ја подобруваат концентрацијата, ја намалуваат несоницата, депресијата и главоболката.

Морската вода ги ублажува болките од артритис и реума

Ако патите од било какви болки во мускулите и коските, пливањето во солена вода е најдобриот лек.

Морската вода исто така го чисти организмот

Самото пливање во солена вода ги разбива наталожените материи во организмот и го поттикнува нивното лачење.

GOLD
To Top