Новости

Здравје

Еве како возењето велосипед влијае на здравјето

Велосипедизмот и здравјето се тесно поврзани, а ние ви ги откриваме сите неверојатни здравствени придобивки од возењето велосипед.

Возењето велосипед е аеробна вежба, обично со низок интензитет. А покрај тоа што ни помага да останеме во форма, тоа позитивно влијае и на телото и на умот. А како, конкретно, дознајте подолу.

Губење на тежина

Возењето велосипед, особено оној со поголем интензитет, го намалува нивото на масни наслаги, го забрзува метаболизмот и гради мускули (кои исто така ги топат масните наслаги).

Зајакнување на нозете

Со возење велосипед ги зајакнуваме мускулите на нозете, без да ги оптоваруваме зглобовите. А со тоа ја подобруваме функцијата на долниот дел од телото.

Го намалува нивото на холестерол

Истражувањата покажаа дека возењето велосипед го намалува нивото на лошиот холестерол, како и нивото на триглицериди.

Ментално здравје

Возењето велосипед го намалува чувството на стрес, депресија и/или анксиозност. Фокусирањето на самата патека помага да се подобри концентрацијата и свесноста за самиот момент. Ова дополнително води до подобрување на фокусот и севкупните когнитивни функции.

Позитивен утрински почеток

Кога го започнуваме денот со возење велосипед, ја подобруваме циркулацијата и денот започнува со чувство на успешно постигната цел. Исто така, утринското возење велосипед ги согорува масните наслаги, ја подига енергијата и го подобрува метаболизмот.

Помал ризик од болест

Редовното вежбање генерално го намалува ризикот од срцев удар и мозочен удар, како и висок крвен притисок. Покрај тоа, возењето велосипед го намалува ризикот од дијабетес тип 2.

Подобра рамнотежа, држење и координација

Рамнотежата и т.н. координација слабеат со возраста, а тоа можеме да го подобриме со возење велосипед.

И конечно, со возење велосипед ја заштитуваме и животната средина.

Евротип
SNBROKER
To Top